الطير المسافر
الشاعر / محمد منصور
يا قلوبنا ليه حيارى‘ يا عيوننا ليه سهارى
وليه الحب يأسى ‘ بعد زخات نضارة
يا قلبي كنت طاير ‘ والحب تملِّي صاير
لعبت بينا سنينا ‘ والقلب منِّي هاجر
وراح منِّي لحبيبي ‘ زي الطير المسافر
وقلوبنا بقت حزانى ‘ وعقولنا بقت سكارى
القلب صغير وشال ‘ كتير من الأحمال
حب وحزن فراق ‘ لا تحملهُ جبال
صارت قلوب أحبة ‘ جفافاً كالصحارى
مهما طال البعاد ‘ لسة ف قلبي الوداد
دا الحب بالمكانة ‘ مهما بعدت بلاد
وأنت دايماً معايا ‘ في حشايا والفؤاد
دا الحب لروحنا جنة ‘ للأبيض والسمارى
الود لينا حياة ‘ لقلوبنا كالمياه
يطرح أزهار محبة ‘ فيها كل النجاة
يا أصحاب كل القلوب ‘ دوِّبنا الحب دوب
حتى حلو ف عذابه ‘ مهما تاهت لبوب
حُبك دايماً يفيض ‘ ف الشريان والوريد
ومهما غرفت منه ‘ ألاقيه أضعاف يزيد
خلَّاني ف دنيا تانية ‘ في كل يوم جديد
دا لقاك حبيبي فرحة ‘ وأجمل من أي عيد
خلُّوا الحب ف قلوبكم ‘ دايماً ليه الصدارة
بقلمي الشاعر/ محمد منصور
