صدق نفسك

$ صدق نفسك $
‏بقلم/عماااد الأبنودي
‏
إحلم ياما و صدق نفسك
الحلم ياعم مش بفلوس
إوعي يوم تسجن نفسك
وتفضل فيها خبيان متعوس
حكم الخيبة مرض عضوي
ينخر عضمك كما السوس
حلق طير قوله ده قدري
و إجري عالصعب و دوس
متحمل تواجه في أزمة
و الأزمة تجر وراها أزمات
فكك يلا من دي الأزمة
و خليها ليك تحدياااااات
إنصف حلمك دوما قاوح
من شماتة أي عزول …
مهما كان الشوك طارح
اللي يصبر لابد ينول
كسرتك مش دي النهاية
إبدا تاني … من جديد
خليك دوم بطل الحكاية
و الوصول هيكونلك عيد
هدفك بالنسبالك غاية
جدد فيه كل … يوووم
و لو وقعت مش نهاية
عافر يلا بالقوة قوووم
مين قالك السكة سهلة
أصل السهل مش بيدوم
خدها تحدي رغم صعوبتها
اوعي تعيش دور الموهوم
طعم نجاحك حاجة تانيه
راح تحس إنك موجود
وقتها هتكون ملكت الدنيا
وسقف طموحك ملهش حدود
بقلم
عماااد الأبنودي
22 , 2 , 2023