((( يوم المرأة العالمي)))
كتب/أيمن بحر
المرأة يا عُصفورة عَالاشجار
حُلو صَوتِك لما بِتغَني
بتِتنَقَلي عَالوَرد والصُبار
طول العُمُر يا رَب تِتهَني
المرأة أنشودة من الاشعار
كُل يوم عَالاوتار بِترِني
بتِعِزفي عَالناي والقيثار
واللحِن مِنك ياما أطرَبني
المرأة هي مَخزَن الاسرار
مَلكة جمال بروحِك الجنة
زَهرة جَبَل جورية الازهار
نحلة رحيق الزَهر عم تِجني
بتِجني العَسَل بالكَد مهما صار
وعا شَجرة الياسمين بِتوِني
تعَلمي ولادِك وهُم صغار
حُب الوَطَن للارض بِتحِني
ياما أنجَبتي للشَعب ثُوار
وللبَطَل كنتِ تنادي يا إبني
انتِ الشَمس والنجم والاقمار
انتِ الحلا بالكون فاتني
المرأة انتِ التاج جوى الدار
شو هَالجَمال اللي محَيِرني
الله أعطاكي الصَبر ليل نهار
شُغلِك صعب ما يوم بِتكِني
المرأة نَبتة بالسَهِل وبذار
يا سُنبلة من القَمح تِطعَمني
كُحلة عُيونِك تِجذِب الانظار
خدودِك بدر والشَعِر مِتحَني
بعيدِك أنا فَرحان قَلبي طار
طَيفِك بعيد الحُب غازلني
المرأة دوما رَمز للاحرار
وَقت المَرض بِتظَل تِسعِفني
مهما حَصَل بِتواجهي الاعصار
يا تاج من مرجان شَرَفني
