” كتبتلك ”
الشاعر/خالد فضل
يا حبيبتى كتبتلك ألفين قصيده
والنهارده كتبتلك واحده جديده
افتكر بيها المواجع والجراحات البعيده
افتكر بيها القصص اللى مابينا
والحاجات الحلوه بينا
والليالى والساعات إللى سهرنا
والحكاوى والغناوى أد أيه منها سمعنا
حتى مشاعرنا الوليده
حتى نظرة عينك الحلوه فاكرها
حتى همساتك ولمساتك فاكرها
حتى حركاتك ساعتها كمان فاكرها
حتى رعشة ايدك الدافيه فاكرها
ذكرى ذكرى .. آه عارفها
كل حاجه كانت فيكى فيا
حتى دقة قلبك دقه فيا
حتى نظراتنا العبيطه المستحيه
كل أفكارك وأسرارك عارفها
حتى لما بنفترق لسنين بعيده
السنين عارفه السكك واهى ماشيه بينا
مره تقهر قلبنا
ومره بطبطب علينا
ياحبيبتى الكلام عنك هوايه
والغرام اللى مابينا صار غوايه
والقلوب اتلغبطت
قلبى قاعد جوه صدرك
وقلبك إنتى بات معايا
كل يوم بكتب قصيده
وانتى بطله للحكايه
وإنتى عارفه ياحبيبتى
كتبتلك ألفين قصيده
يبقى مجموعهم حبيبتى زادوا واحد
الشاعر خالدفضل
