خواطر وأشعار
ازاى انساك
الشاعر رضا ابو شنب
قصيدة الجديدة
(ازاي انساك)
ازاي انساك وانا روحي فداك
وبحب في قلبي علشان حبك
والعين شيفاك بتقولي ملاك
ودموعي بتنزل علي خدك
مستني هواك جنب الشباك
وبقولها معاك اني بحبك
والشوق وياك خلاني ملاك
وبطبطب علي قلبي وقلبك
الحلم ساعات بيتوه وياك
وانا عارف ان انا مش قدك
وازاي اهواك وارجع انساك
ومفيش ولا قبلك ولا بعدك
طب ايه خلاك تستني هناك
وانا قاعد بستني في قربك
بستني الجنة اعيشها معاك
واصبح وابات واكون جنبك
وتعبت معاك وانا بستناك
وبحاول اقرب من قلبك
وبقول بهواك دايما يا ملاك
وبقولك ان انا مش قدك
وبقولك ان انا مش قدك
