أصلنا ،،حرافيش
*************
ياللي ف قلبك هنا مجروح
قوم روح و اتصالح مع نفسك
اشرب من نبع اسمه ، المحياه
و انسي ف تفكيرك قولت ، اه
و ألبس في وشوش ياما كتيرة
و اقفل باب ، الخوف ، و الحيرة
و اردم ، علي ، وعد ، بتتمناه
و اضحك علي ، كل اللي عرفتو
ما تقولش ، أنا من برا ، سكرتو
لأ قول ، انا ، كَلت،، سمك، بكلاه
و انك خسران ، عشرة طاولة
لأ كسبنها ، و بأمر ، الله
و الدنيا بتنصب في مقاولة
ما فاضلش معاك ، بتقول ، لله
و انك بتعامل ، في السناكيح
و كلامك كله ، بشكل ، أبيح
جيت ف الدنيا ، ركبت المراجيح
و قابلت في أغرب ، شئ ، تلقاه
ناس من جوا ، مليانة ، سواد
و حكاية ، تملي كتير ، تتعاد
شديت حيلك ، هميت ، في بعاد
و انت المجروح ، تايه ، في خطاه
جرب ، و البس موضة ،، تباريح
و اخرج ، قابل ،، في مهب الريح
هتلاقي ، دوخة ، زي المراجيح
و انت مسلم ، أمرك ،، لله
اعملها ، تريند ، و قول تصريح
اني أنا من واقع ، احلامي
و ايام الفقر اللي أمامي
قررت اشوط ، كل كلامي
و اكلمكم ، بلسان ، معاتيه
لما الجاهل ، يصبح ، فاهم
و بيتدخل ف اللي مالوش فيه
و بينصح ناس ، شبعانه تأليف
ويقول الضحك ، ف أيامهم
بقي ، شكله ، سخيف
و ان ، الحوارات ، اتفه ما يكون
تخرج قراراتها ، بشكل جنون
تتطبق علي كل ما فينا
و اللي صايبنا ،، لعنة ، فرعون
أما الساذج ، طبعا بتشوف أنه خوارج
و أن كلامه ،المفروض ، هالك
رغم أنه ، بيحمل ، تعداده
و بيبحث ،عن ، إثبات ،ذاته
و يحارب الدنيا في لقمة عيش
ما بقاش في سذاجه ف ايامنا
عارفين اننا ،أصلنا ، حرافيش
لكن ، عايشين ، نحلم ، بحياه،،!!
******************#
بقلم / ياسر عبد الحميد
******************#
مرتبط
زر الذهاب إلى الأعلى