( مأساتي في حياتي)
بقلمي الشاعر/ محمد غبن
قصة حب عميق وضيق الحال وقفت عائقا في إستمرار الترابط
أترككم مع القصه واعتذر للإطاله
عشنا قصة حب جميله
زي بيت كبير لمه وعيله
كان أحلي مافي حبنا إن
روحه حلوه وانفاسه طويله
عشنا لحظات بجد فيها حنان
شاهد علي كلامي المكان
اللي عاش معانا كل لحظه
كان بيحسسنا بالأمان
المهم جيت في يوم
قولت اروح لأبوك
أقابله وأكلمه حتي
لو كان في القعده أخوك
طبعاً ابوك غني وليه مكانه
عاليه معروفه زي العلامه
صيته معروف في كل حته
مقتدر صاحب شركات وياما
المهم ربنا يزيده
ويكون معايا طيب حنين
يسمعني لآخر كلامي ويكون
في أسلوبه متواضع ولين
المهم اتقابلنا قولته جايلك
يا عمي طالب بنتك ف الحلال
رد وقال انت إبن مين وشغلك
ايه عندك أطيان ومال
قولتله شاري بنتك وشويه
هتمشي الأمور وتبقي عال
قال معنديش بنات للجواز
روح ياحبيبي المقابله خلصت
خرجت دموعي صلبه زي القزاز
هوا اللي زينا ملوش يحب ولا
علشان فقير ومسكين
مشيت ف طريقي لبيتي
حزين كإني ماشي بقالي سنين
أبكي علي حب ضاع الحقيقة
أنفاسي مكبوته وبطيئه
اعتبرت إن حبي ليها مات
ولقايا بيها كان نصيب
والحب لغاية هنا جرحه
كبير لا ليه دوا ولا ليه طبيب
عدت أيامي سنين وف يوم كنت
في محل بشتري شويه حاجات
لقيتك فجأة قدام عينيا قلبت
عليا حبي القديم والذكريات
فاكره حبنا اللي ابوك خلاه رفات
ماشاءالله شايفك متجوزه
وليك طله فيها شأن وكيان
ابوك جوزك راجل من حبايبه
تاجر وكل حياته تجاره ومال
أما أنا كل اللي حيلتي
اني شاريك وابن حلال
و دي عمله افني عليها الدهر
وشرد وبقت موضع نسيان
مش عارف اقولك عنده حق
بس متبقاش بطريقتة دية
كان يعطيني فرصه اصنع
فيها نفسي ابقي جدير بالمسؤولية
حبك كل حاجه حلوه في حياتي و كنت بتمناها ليا
احيانا بقول عنده حق
عايز يطمن عليكي يا فرحتي
اللي غابت من سنين وجايه
علي فكره تعبت ف غيابك
كتير اصل عمري ماهنسي جمالك
لما شوفتك الوقتي فجأه روحي وشوقي
رجعوا يتمنوا وصالك
بس إزاي هترجعي وإنت ليك
بيت ومتجوزه و فيه مكانك
حتي مينفعش مش أصول
إني أدخل تاني في حياتك
شايف إن ليك عيشتك
وأنا واقف لسه ف مكاني
مش عارف ألوم على ابوك
ولا ألوم على ……..الظروف
بدل ما انا فيها تايه
كان عمل وقتها معروف
كنت هتحدي الحياه وهعيشك
بس إزاي أعيشك وانا فقير
حبك هيبقي دفعه تقوي كانت
هتتعدل ظروفي وابقي كببر
واضح إن ابوك عنده حق لإن
لسه واقف مكاني ضعيف
مقدرش غير اقولك مع السلامه
بتمنالك عيشه هنيه ويعيني
ربنا وأحاول أنسي حبك
اللي كنت هفديه بعمري لإني
حبيبك وطفل صغير زي إبنك
