* بره ااااالسرب *
بقلم/عماد الأبنودي
•••••••••••
بره السرب نفسي أغني
نفسي أطير دايما فرحان
و نفسي أقول بعلو صوتي
عاشق أنا مغرم ولهااان
عمري ما أبص للي فات
ولا أبات الليل .. زعلان
الحياة مليانة تجااااارب
مهما تخسر أنت الكسبان
ليل الضلمة مش هيطول
بكرا تلمع ويااك ألوان
إنسي .. حيرة حلم تايه
بيتألم في ليل الحرمان
نفسه يلمح ضى لحياته
و يسبق غيره في الطيران
الحسبه معاك ممكن تتعقد
و تروح منك خبر كااان
تشغل بالك پأوهام غريبة
إنه خلاص فات الأوان
لكن الروح لساها عايشة
بتعافر ويا …. الزمااااان
و راح تطوي كل أوجاعها
و تحكي عنها كان و كان
الحلم أهو فارد جناحاته
مبسوط بيغني .. و فرحان
بقلم
عماد الأبنودي
5 , 6 , 2023