@خليك حقاني@ بقلم سهام ماجد
لا ياقلبي خليك حقــاني
قولت ليه هــو الجاني؟؟
انت اللى اخترت طريقك
وتعيش جـرحك كدا من تاني
*****
قــالوا نصيب وقدر مكتوب
تشيل الهم ..تبـــات مغلوب
مين فينــا عايش مبسوط؟
مهمــا يلف بـلدان ودروب
*****
نصيحه ياقلبي راح اقولها لك
ليه دايما تسعــى لعـذابــك
عيش مرتاح .. يروق البال
ترحم نفسك م اللي هيجرى لك
طب من فينا يوم راح يقدر
يغير نصيب مكتوب ومقدر
مهما حاولنا ومهما قولنا
حياتنا كتاب بالغيب متسطر
لا تقول عاشق ولا معشوق
وتعيش فيها كما المسروق
ليــه تخليها عيشه مـــرار؟
إصحى ياقلبي يلا وفـــوق
جمله راح اكتبها على جبينك
لجراح عايشه في شراينك
اوعى تقول للحب ســماح
ليكون فراق بيني وبينك
