@إتكلمي ماتسكتيش@
بقلم سهام ماجد
على كل لون شفتك ياقسوة بتقسمي
حزن والم على القلوب وبترسمي
دمعة حزينة نازلة تكوي على الخدود
إنتي ليه قاسية كدا نفسي بقى تتبسمي
كل ما اقول حني عليا ما بتسأليش
بتزيدي ليه في قسوتك مابترحميش؟
انا شفت منك عذاب كتير مايتنسيش
انسيني مرة بقى .. وخليني أعيش
اقول عني يادنيا إبعدي مابتلعديش
وبتعملي فيها الحبيبة ما بتتعبيش
عرفتك على حقيقتك دنيا فانية
وفيك خلاص مش عاوزة اعيش
شفتك دنيا ظالمه مابتنصفيش
وماتعمليش دور البريئة ماتداريش
قلبي تعب منك وليه أخبي؟
قوليلي إيه الحكاية إتكلمي ماتسكتيش
