ياقلب غالي
***** بقلم الشاعرة والكاتبة سهام ماجد
ياقلب غالي انا زعلته
بكلام كتيــر ليه انا قلته؟
والله كان من خوفي عليك
كان بس إيه اللي عملته؟
*****
خفت تروح .. وتغيب عني
وتسيبني تايهه كده في همي
قلت ممكن اهـون عليك
واخســر قلب شـــال همي
*****
بصراحة قلت وما هخبي
وأخبى ليه وانا إيه ذنبي؟
وازاي اقدر اداري عنـك
وانت اقــرب منى لقــلبى
*****
ساعات كتير كنت بحاول
اخفى مشاعرى واتجاهل
لكن خلاص أنـا معترفه
وبعقابك لي أيوا أستاهل
*****
ياقلب حنون جالى هديه
و اغلى من ضي عينيا
قلبى خلاص صبح اسير
يا أغلى مافى الدنيا ليا
*****
