ياللي بختك مال
مالك حاطط ايدك
كدا علي خدك
هو كدا حل مشاكلك
واوعي تفتكر حظك مال
ياللي مال بختك
مفيش غيره عملك
هو اللي يعدل لك بختك
لو النهارده الدنيا جت عليك
بكره تلاقيها بين أيديك
لجل تعوضك وتراضيك
ولاتندم علي بختك اللي مال
ياللي مال بختك
بس اوعي يوم تياس
وتبقي م الصبر مفلس
خليك مع ربك تلقي السعد جالك ومنه تفرح وترقص
ياللي مال بختك
وشوف غيرك
يرتاح بالك
لما تشوف غيرك
وتحمد ربك
علي حالك
وانت احسن من غيرك
ياللي مال بختك
ومهما تفكر
ولا لدمك تعكر
مش هتغير
م اللي جالك
ولا يصيبك
الا نصيبك
ياللي مال بختك
ولو انت شايفه مال
ماهو دوام الحال
دا من المحال
الحياه فيها كل حال
فيها الحلو
وكمان فيها المر
واللي يجيلك
احمد عليه ربك
ولاتخاف يوم منه
اللي بعته لك ربك
‘مفيش افضل لك منه
يشوفك هتعمل ايه
هتصبر ولا إيه
ياللي بختك مال
بس اعمل اللي عليك
وسيب الباقي عليه
دا حالك وهو أدري بيه
يتعدل بختك
ياللي بختك مال
بقلمي محمد سليمان
مرتبط
