ذكريات على ارصفه النسيان
ليا ذكريات
من زمن فات
على ارصفه النسيان
ماهو رصيف
ليا حليف
كل يوم رايح جاي عليه
في كل مشوار امشيه
مع كل اللي ماشي
وغيري بيا مايدراشي
وانا بقلب افكاري
ومحدش يقدر يحوشني
لا اخويا ولا جاري
وانا بقلب افكاري
على رصيف النسيان
وبقول لا تفكر
ولا تحتار
الدنيا قدامك عمار
وبالصبر تحلو اكتر واكتر
كل ده وانا بكلم نفسي
لما تعبت مني نفسي
قلت بينا سوا
نتمتع بشويه هوا
غير اللي فات
في زمن فات
مليان ذكريات
على ارصفه النسيان
قلبت تاني
افكاري تاني
لقيت فيها مسكر
وكتير فيها ممرر
بحاول انسا
ماهي الحياه قدامنا لسا
ونغير رصيف النسيان
وقلت ماهي الدنيا مش على حال
ساعه فرح
وكتير فيها الحظ مال
وبحاول انسى الجرح
ماهو مش بالمال
كله ياصاحبي براحة البال
حتى على رصيف النسيان
ماهو رصيف مش، عادي
اخد مني حياتي
بقضي عليه يومي
اشكي له همومي
واقول هي الدنيا ليه كدا
خلت حياتنا منكدا
وهتفضلي انتي على كدا
نفسي ليا تعزي
ويتعدل فيكي حظي
وانسا اللي فات
من الذكريات
على ارصفه النسيان
واوعى يادنيا تدومي
انا عاوز انسى همومي
واقولك معايا ربنا
هو اللي عالم بنا
يقدر يغير لنا
اللي باقي من عمرنا
وانا على رصيف النسيان
بقلمي محمدسليمان
