عاوز تغشنى يا حرامي.. انا الازم اخرب بيتك واكب زيتك.
احمد أبو سمك
فى فيلم شاطئ الأسرار كان احمد الحداد بيعمل دور صياد.. وقالك بدل ما خد اللبس معايا لحد اللوكيشن واغير هناك .. انا البس فى الفندق واتوكل على الله.. وفضل على هذا الحال رايح جاي كل يوم لحد ما فى يوم كل المجموعة اللى شغالة فى الفيلم خرجت الا هو وعمر الشريف اللى قاله استنانى لحد ما اغير هدومى وارجع معاك..
وهما خارجين من المنطقة اللى كانت قريبة من منطقة الجمرك وبما ان الدخول والخروج لازم يكون بتصريح .. العسكر*ى اللى ع البوابة وقف الحداد وقاله : وقف هنا..فين تصريحك يا جدع؟ فالحداد فهمه انه معاه تصريح لكن سايبه فى الفندق.. على اعتبار انه كل يوم بيدخل ويخرج مع المجموعة .. لكن العسكر*ي مصدقش وقال للحداد : عاوز تغشنى يا حرامي.. انا الازم اخرب بيتك واكب زيتك.. محدش يسألنى يعنى ايه اكب زيتك.. هو قال كده..
فالحدار رد وقال : يا عم أنا ممثل.. فى السينما .. فالعسكر*ي بص له وهو لابس لبس صياد فقير وقال : انت ممثل ؟ انت نصاب..
حاول عمر الشريف انه يحتوى الموقف لكن العسكري قاله : حضرتك باين عليك محترم. اتفضل اخرج.. لكن سيب لى الهلفوت ده أنا افرجة شغله..
وعنها.. راح عمر للظابط المسئول علشان يفهمه الحقيقة .. وبعد شوية رجع مع الظابط اللى طلب من العسكر*ي أنه يسمح للحداد بالخروج.. وهنا استجاب العسكري على مضض.. وكأنه بيفلت من ايده صيد ثمين.. وساب الحداد اللى بيقول وانا ماشى سمعت العسكري بيقول لزميله: اما حظوظ يا اخي.. بقى انا مش احسن من العيل ده ميت مرة..
