ما بيفهموش ********** من ضفاير مية نزلت سلسبيل كان هابيل مستني يغزل شمسها وقتها بأن كُره ظاهر من قابيل و الدليل غراب بيدفن في القتيل
صور البشر علي كل لون متلونين أكم ما فيهم شبعانين هري ف كلام و الدنيا ما كانتش زحام متجمعين و الصورة سيرة للي كان رابط لجام
متشوقين إنه يركب موج غلط مستنيين لجل ما ف يوم يرجموه أصله كان طالع لأبوه ، بعيارفلت لكنه كان هو الولد اللي ما خابش زيهم
مع كل لعنه بيرمي ألمه فوق ضريح المقبرة مع كل آهة يشيل في همه في طريق لدنيا معفرة جري قوام ،صالح في نَفسه رامي وراه ،كل اللي نَافسه ساب اللي كان مشتاق لحِسه و قال دي دنيا صُغيرة
لكنهم من جهلهم ما بيفهموش ناس عمرها ، كده منها ، هنا راح فاشوش متجمعين علي رئيهم في تغيير الوشوش يا طرح نابت في حكمة شابت بين أيدين مكتفين يا عمر ضايع مع اللي بايع و اللي غاب مكسور حزين
يا دنيا صابت و ف وقت خابت تداوي كل المجروحين مشتاق سفينة تضتمحت كمنا و نوح جديد ، يرجع لنا ياخد اللي باقي ف قلبنا يبني عليه دنية براح و تكون سفينة للسماح ،، تجري بينا ، مكملين لكن احنا بس نقول لمين،،
************************ شعر / ياسر ياسر عبد الحميد ************************ ********************
