يعنى إيه اخوات بالنسبه ليا
بقلم الكاتبة : سلوى عبد الكريم
اخواتي مش بس حب وحنان وعطف وخوف عليا…
اخواتي مش بس شوق وحنين وآيادى ممدوده ليا …
اخواتي مش بس بسمة شفايف وأحضان دافيه ومراضيه …
اخواتي مش بس إحساس عالى بفرحى وحزنى فى نهارى ولياليه…
اخواتي مش بس اهتمام ولهفه وفزع وقت ضعفى ودايما جنبى وحواليا …
* اخواتي مش بس كده ده كمان دول على ده *
أخويا فى غضبى اتحملنى مزعلش وثار عليا و ادانى ظهره وهز دماغه وكسر قلبى وعنيه _ حبيبى ربى خليه ليا _ …
اخواتي معايا فى الصبح والعشية وإن طال غيابهم عليا بردو فى أحلامى فى لياليا أعاتبهم واشكيلهم واحكيلهم على اللى بيّا …
اخواتي صمام أمان حسّاه دايما معايا وليا, سوى ماشين نتعب نرتاح مكملين ما يفرقنا طمع فى الدنيا ديه …
اخواتي يجبروا خاطرى ويمسحوا دمعى قبل ما ينزل من عينيا …
اخواتي دواء نفسى لو الأيام قسيت عليا, وهما أمنى وأمانى لو الزمان غدر بيا …
اخواتي غنوة حلوة, لمسة طيبة, قلب صادق مليان حنية …
اخواتي سندى.. ربنا جاعلهم ليا ومفيش يوم يعدى من غير ما ادعيلهم فيه وهما يدعو ليا …
هما دول اخواتي روح قلبى وعينيا
هما دول حبايبى وهدية ربنا ليا
جمعنا فى دنيته وبدعيه فى جنته نكون مع بعض غيّه
بحبكم يا اخواتي يا أغلى من نور عينيا
مرتبط
