🌹صباح الخير 🌹 🎼🎼🎼🎼🎼 صباح الخير ، يادي الغلبان يادي ، التعبان ، يادي الشقيان صباح الخير ،، يا كل ال مش عارف اسمه و قالوا عنه أنه ، فُلان صباح الخير علي بلادنا ، علي شمسك يا نوارة علي نيلك ، علي طميك علي الشارع علي الحارة صباح اجمل علي العامل ،علي الفلاح دا ، كل صباح بقلب سماح في عز الضلمة يستني و بيصبح علي شروقك يشوف اجمل خيوط للشمس بتسدل طرحها ع الأرض و ايد تمتد تلف سواقي تروي طميك العطشان و يطرح نبته بسنابل ،، تنور فرعها المايل و يرعاها يقلمها و يرويها تكون بستان صباح الخير علي أهلي، علي احبابي علي الخلان ،، علي كلمة بتجمعني مع اصحابي و لو كملت حكاويكي ،، هصبح ع اللي شق الصبح من سمرة سواد ليلك علي الارغول يغنيلك يا أجمل زهرة في الاوطان بأجمل صبح أناديلك و تتوهج قناديلك و اشوف سلسبيل نيلك ترياق بيروي في العطشان 🌹صباح الخير🌹
================ أشعار / ياسر عبد الحميد ================
