خليها قدها

$ خليها قدها $
بقلم/عماد الأبنودي
…………………
إنطق يا حرف بلاش دلع
و بلاش تقوللي سكنك وجع
بطل تخاف يا جدع
لو مرت بيك لحظة آسيه
لسه نصيبك الباقي جي ..
و ما دمت حي
قووول يا خي
فينها بس المشكلة …!
بتحتار و تغوص في المسألة
ماهيش فلسفة ..
شايف مفاهيمها معقده
و شايف خيوطها متشبكه
سايس الحياة و لاعبها
و إكشف بحيلك الاعيبها
خليك قدها …
عيش الضحكة بألوانها
و إغرق تملي بتفاصيلها
بدد ياما اللون الغامق
و إرسم بالفاتح فرحها
تضيق أو توسع
هيه هيه …..
مهما تكون مفتريه
مهما تعم لحظاتها ديه
و تبقا قاسيه و عناديه
مسيرها تحن و ترجع تاني
زي ماهيه …
مافهاش حمل هيطول
ولا فيها الليل بيطول
و حالها الصعب راح يتبدل
و السكة الواعرة تتحول
و تكون خطاويها ميه الميه
إبدا تاني و من تاني
قوم عاندها و عاند
و لو من قسوتها تعاني
قولها أنا حد دايما جامد
صدامك عادي و متوقع بتكعبلي اجدع شاطر فينا
و الشاطر يقاوح يقوم يكمل
و يقولك صعوباتك مش لينا
،، بقلم ،،
‏عماد الأبنودي
‏21 , 1 , 2024