من إتنين وسبعين سنه وبنحتفل زى النهارده ببعضنا م العاصمه العامره .. القاهره بعزنا وبمجدنا وبنصرنا بذكرى خالده ل شعبنا ولأمننا يومها وقفنا صف واحد قلب واحد بيلمنا وبيضمنا ما عدونا كان بردو واحد محتل غاصب قلبه جاحد بس إحنا شعب الله عليه مايهمنا نفرد صدورنا للرصاص ونقول ياموت حود علينا من هنا نموت نموت وتعيشلنا ست البنات أم البنين وام البنات وكل حكاوى الصبر فى أصعب حالات كل الكلام الحلو حتى والسكات كل دمعة حزن كانت أو آهات كل فرحه معاها ألبوم ذكريات يابلدنا يا تاريخنا ياكتاب الأمنيات عشت لينا وعشنا ليكى حتى لو آخر نفس طلع وفات إحنا فداكى ودايما معاكى ع الحلوه ماشى ع المره ماشى احنا معاكى وعلى هواكى بس اوعى تنسينا بدعاكى دا احنا محاسيبك ياست م الشباب للكهول م الولد للبت يا بلدنا بنعشقك بالميللى مش بالسنتى ولا بالمتر حبك معشش جوه جوه قلوبنا زى نخله وليها مليون جدر قلمى مش عايز يبطل كتابه وقلب رافض ينهيلك حكايه مستنى منك إشاره أو همسه أو ضحكايه ومعاها نظرة رضا تفضل كده ويايا تطمن القلب اللى خايف لما اموت تحزن أو تتقهر جوايا من قبل مااا كمل حكايتى معاها
