الدنيا وليه الدنيا توجعنا وتعجن جوه أفكارنا ملامح وش بهتانه لحلم جريح وليه الدنيا تتعبنا وتعند ويا احلامنا تسيبها بور يبان ع السطح من نافق وعاش الزور يموت الحق في أول المحصول وآه ع الدنيا لما تعاند الإنسان تسيبه غربب في وسط الأهل والخلان وتعجن روحه بطعم الخوف قي كل مكان وآه ع الدنيا لما تعاتب الإنسان تسيبه غريق يصارع نفسه والأوهام تحدفه موجه وموجه ورى موجه يتوه منه شط أمان يقول بكره يتعدل ملامح وشه تتبدل تسيبه خريف وصرخه من جواته بتتشكل بطعم الآه وآه لما الموت يكون سفينة نجا وسط ناس مهيش شيفاه وآه لما حلمنا يودع ويسبقنا يسيبنا شبح مهوش حاسس بطعم حياه راق لي دعاء نور
