مش هدفن ابني ع مرتين تغليظ العقوبه بالاعدام للخطف الردع هو الحل الوحيد
ايهاب طالب اولي ثانوي محافظه الدقهلية مركز للستاموني بلقاس قريبه ٧ ثابت خرج من الدرس الساعه ٥ يوم الثلاثاء اتمشي علي رجله زي ما جيباه الكاميرات عدي قبل المقابر بشويه تليفونه رن من مامته انت فين يا ايهاب انت صايم يلا علشان الفطار جاي اهوه بتمشي لحد ما المغرب يأذن …
… قفل معاها واختفي في المكان ده ….
ساعه اتنين يرنوا الفون يرن ومحدش يرد رنات كتير لحد ما حد رد وقالوا هو بره المحافظه متدوروش كتير وعاوزين ١٠٠ الف علي فودافون كاش .. وهتبعتوهم علي ارقام كتير والخط قفل كل ده من علي تليفون ايهاب … جهزوا الفلوس ويرنوا محدش يرد الخط قفل رنات كتير مفيش رد الفون اتقفل …
طلعوا علي المركز ومنها علي مديرية الامن ومشكورين قيادات نزلت دوروا وفتشوا في كل مكان ومجهود غير عادي … لحد يوم الاربع الساعه ٥ المغرب مزارع رايح ارضه لقي شكاره مفتحهاش وبلغ عمه واهله فتحوها لقوا فيها النصف اللي تحت فقط والعلوي مش موجود …
بيسألوا عمه عرفته ازاي ؟ قال ده لحمي محدش ميعرفش لحمه وانهمر في البكاء …
رجال الامن قاموا بالاجراءات واخدوا المعثور عليه في اسعاف الي مستشفي الدولي .. للطب الشرعي ..
الي الان ما زال البحث جاري عن نصف الجثمان للشهيد ولأي خيط او دليل علي مرتكب الجنايه دي … متابعة دعاء نور
