كل الجراح هتهون والوقت اهو بينسي في النهايات اتعود تصون مهما كانت مشاعرهم بتقسي الصبر نهايته جبر وانتا ياما شيلت المسئوليه وافتكر انه متر في متر القبر ف علي ايه مش مستاهله هيا وان كان الماضي بقي ذكري فربك عالم باللي جواك ارفع ايدك هيفرجها بكره وطالما دعيته فكل الدنيا معاك اسمع مني نصيحة أو خدها فكره اللي فات أتعلم منه دروس واوعي تفتكر ان الخلق في زنقتك شيلاك هونها ع روحك دي الحياه مجرد كابوس اللي قبلك خدو منها ايه متزعلش وافرح وازرع شجر الامل جواك واوعي تيأس وارعاه بكره كله بالجهد يطرح واليقين جواك خليه ينور كالفانوس عارف قلبك كل مادا بيطفي بس الوقت كفيل يداوي بكره تروق وقلبك لوحده يصفي متحسبش للدنيا عشان مش هتساوي رضيت ضميرك وعمرك ما قصرت وكنت قايد صوابعك العشره شمع واكتر من كدا بالحب كنت ناوي واللي باقي عينك بتغرغر بالدمع روح يا قلبي الهي يكفيك شر البلاوي ع أد حنانك معاهم وطيبتك اللي حصل مكتوب مهما تحاول ما انتا مش حاوي
