بنتي
انت حبيبتي وضي عنيا
أحلى واغلي وكل ماليا
نفسي أحطك جوة عنيا
ومن كتر خوفي عليكي قفلت الدنيا شوية ….
معلش …. سامحيني
ما انتي عارفة يا نونه انك نبضي ونور غيني..
ومعاكي الدنيا بتحلي اصلي وهبتك عمري وروحي وكل حياتي واديتك معاهم سنيني
خلي بالك ….
كل اللي يقولك أنه حبك أو بيحبك ممكن يجي يوم و ينساكي
لكن أنا قلبي يا بنتي ملوش غير حبك
واخدتي مني قلبي وبالي معاكي
ياحنين….
ياحنين دوري علي الحب إللي باقيلك وجوة القلب يشيلك
ومن العين دي ميه ومن العين دي زاد ويديلك
وقلب امك مافيهوش غيرك
دنتي لروحي ولقلبي النبض من يوم مابقيتي جوايا يادوب نطفة ونبض
دنتي الضحكة
دنتي الضحكة جوة القلب وجوة البيت
وليكي يابنتي وانتي في حجري من فرحتي ياما غنيت……
ضحكتك يابنتي بتنسيني التعب والشقي وكل اللي ما عانيت
يارب
يارب يابنتي اشوفك سعيده وحبيبة وزوجة وليكي أسرة وبيت
