عيد شم النسيم.. 

كتبت… أميرة الطيب

مصر بتحتفل بالعيد ده، من آلاف السنين، وفضلت تحتفل بيه رغم التغيير والإحتلال الكتير!

أقدم أعياد الزمان كله، وأقدم عيد وطني بيجمع المصريين، من كل ملة ودين!

الإسم الرسمي من قوايم الأعياد، المنقوشة ع البرابي: (حب شمو) = عيد الصيف!

كنايات الإسم الرسمي:

1. شمو-نشم = نسمة الصيف!

2. شمو-ن-سيم = الصيف بتاع النبات!

يعني شم النسيم (شم إنسيم)، مصري الأصل والإسم كمان!

عيد شم النسيم عبارة عن احتفال بالصيف وخير محاصيله الكتيرة، عشان كده العنصر الأساسي فـ إسمه، كلمة (شمو)، بإعتبار ان الفصول كانت تلاتة:

• آخت (أكد) = الفيضان!

• برت (برد) = الشتا!

• شمو = الصيف!

فاضل فـ كلامنا تأثير اسم (شمو) فـ أنواع الـ (شمام) الصيفي, وفـ اسم (شم إنسيم)!

أهم طقوس عيد شم النسيم:

1. الصحيان بدري والخروج للغيطان والجناين لتحية الشمس (رع)!

2. كتابة أدعية (بتاح)ع البيض (تلوينه)!

3. أكل وتقديم البصل (قرابين حتحور, بنت الشمس)!

4. أكل وتقديم الخس (قرابين مين رمز الخصوبة)!

5. أكل وتقديم السمك المحفوظ المملح (هدية أوزيريس)!

6. تقديم محاصيل الموسم, ترمس وملانة وتوت وفول أخضر وسنابل خضرا ..