خواطر وأشعار
افتحي كراسة العــــــاشقين
افتحي كراسة العــــــاشقين
للشاعرة ـ رجاء الكاشف
افتحى كراسة العاشقين
هاتى صفحة ١٢٠
السطر تلاتة وتلاتين
هتلاقى جملها متعادة
من اول جملة انا عاشق
اللي قالهالك كام عاشق
الى جملة عمرى ماهسيبك
واهو سابك من غير تبرير
لوكان العشق بضرايب
او له نقابة ورسوم
كان دام العشق واحلامه
زي ماكان الشوق مرسوم
كان القلب بقاله قرايب
وماكانش قلب يتلوى
من شرب الكاس المسموم
او مشرط قطع شرايين من غير بنج ولا تخدير
