خواطر وأشعار
بعتالي صاحبتها
بعتالي صاحبتها
كلمات………….أيمن البكري
بعتالي صاحبتها بتقولي
متتكلمش عليا تاني
ولا تجيب في سيرتى
ومتقولش لحد تاني
دى كانت حبيبتى
ومهما سمعت عنى
مطلبتش منك انك ترد غيبتى
قولتهالك الف مره افهم بقا
كل ال كان بينا خلاص انتهى
وياريت بعد اذنك تبعتلى صورتي
ها اقولك ايه وها اعمل ايه
في قلبي ال حاولت كتير ادوس عليه
عشان ينسى وعشان يقسى
على ال ضحى كتير علشانوا
وكان رد الجميل انوا خانوا
داس على عشرة السنين
ومطمرش الحب فيه
بعتالي صاحبتها
بتحكى كلامها وتفسر
وحاسس أن صوتها حزين ومتاثر
كانت شاهده على حكايتنا
وكل لحظه عدت في حياتنا
بتقولى ماكنتش اتمنى أن كل داه يحصل
ارجعي وقوليلها شكراً وكتر خيرك
على الحب ال بعتيه
وعلى الاءمل ال ضيعته
وعلى الحلم ال بنيتوا ف سنين
وانتى ف ثانيه هدتيه
ومش هموت أنا بعدك
وهعيش وهكمل من غيرك
ومش هتفرق معايا ف شىء
