خواطر وأشعار
الباب خبط كلمات الشاعر محمد عبد العزيز رمضان
الباب خبط
كلمات الشاعر محمد عبد العزيز رمضان
الباب خبط
لما فتحته
فجأة لقيت
ظابط بجواب
قلت دا ابني
كاتب حاجة
لما فتحته
لقيته عتاب
قالي يا أمي
أنا مش راجع
بس بجد
أنا ليا أسباب
بحمي بلادي
من حسادي
بقفل ليهم
مليون باب
وأوعي تقولي
عليا أنا بعتك
علشان حبك
مش كداب
هرفع راسك
دايما عالية
واللي يقرب
يلقى عذاب
مصر أديتنا
كتير من خيرها
لما هتطلب
تلقى جواب
عند حدودك
راح هندافع
روحنا فداكي
شيوخ وشباب
وأنت يا كاره
جيشنا بقولك
أحنا أسود
ضد الإرهاب
وانسى بإنك
هتفرقنا
هنوريك بإيدينا
حساب
لو فاكرين
إننا هنسيبكم
هنوريكم
ويل وخراب
هنرجع أمجاد
من تاني
وهنكشف
من فوقنا ضباب
وهنرسم
من تاني أملنا
ونفرح
كل الأحباب
