بتقولى ايه ——كلمات الشاعر احمد جابر سويلم

—–بتقولى ايه ——كلمات الشاعر احمد جابر سويلم

بتقولى ايه وانا كل دقة بترسمك

-لو قلتى مرة انى باعشقك

مليون قصدها بصدقك

ياحلم عمرى من زمن فيكى ابتدى

ياصوت رقيق جوى قلبى له صدى

ياضى نور زود شعاعة فى الفضى

-ياهمس طيف فيه الرضى

ياحلم بكرا جوا قلوبنا اترسم

ياضحكة صافيه عالخد قامت تبتسم

هزى الضلوع هتلاقى صورة منورة

رسمها قلبى وانتى لسة صغيرة

-لو قلت عمرى من يوم ماشوفتك ابتدى

-لو قلتى نسمة بعرفها فيكى ساعة رضى

عالناى هغنى فى الفضى

-هكتب حروفنا على الوتر

هرسم قلوبنا فوق غصن الشجر

هبعت رسالة للاقمر

ولكل نجمة فى ليل السهر

والورد فى قلبى راح ازرعه

– وافرش فى قلبى واقولك ربعى

-يازهرة جو ضلوعى فرعى

اروى بحنانك قلبى ورددى

-انا قلبى ليكى من يوم مشافك فرحه ابتدى

لو قلتى اه الاه فى قلبى تتسجن

-وابات فى ليلى دمع وشجن

انا كلى ليكى وان شالله قلبى

جوا فى فى قلبك يتسجن

-بتقولى ايه وانا كل دقة

-جوا قلبى بترسمك