على قوائم الانتظار…..
على قوائم الانتظار…..
كلمات/ أيمن البكرى
على قوائم الانتظار
أطفال قلوبها بتتقطع
وناس ب جاه ومال بتتمتع
وناس بتكمل عشاها نوم
وعايشه وراضيه ب المقسوم
وناس معاها فلوس ب الكوم
وف حق الغلابه بتتطمع
على قوائم الانتظار
ناس كتير مستنيه
تعمل العمليه
أكبر أحلامهم ف الدنيا
إنهم يعيشوا حياه طبيعيه
وقعوا في إيدين ناس أنانيه
فيه ناس لو إتعشت
بتبات نفسها مرضيه
على قوائم الانتظار
بنت بتصرخ بعلو الصوت
إلحقونى يا خلق بموت
كل يوم عليها بيفوت
الاءلم جواها بيزيد
عايشه على أمل
وحلم بعيد
المرض مبيستناش
واقفه قدام المستشفى
بتنادى غيتونى ياناس
وكان ردهم أسفين
دورك لسه مجاش
على قوائم الانتظار
أطفال مستنيه
الاءيام تدور وتلف
ويجى عليهم الدور
والاءلم يروح ويخف
كل واحد فيهم
وراه أب قلبوا حزين
وإم دموعها مش بتجف
وحالات كتيره ف الدنيا
تعبانه وبتتألم
وناس كتيره تانيه
مش قادره تتكلم
وناس إحنا مش شايفينها
وناس ماليه الدموع عينها
وكتير بنشوف ياما
وعمرنا ما بنتعلم
