خواطر وأشعار
سلامتك…..
سلامتك…..
كلمات………. أيمن البكري
سلامتك
وآسف لو كنت ف يوم ظلمتك
وغصب عنى من غير ما أقصد ألمتك
وعايز أقولك وحشانى قوى إبتسامتك
ولو لسه شايفه إنى جرحتك
إفتكرى إنك ياما غلطى وسامحتك
وياما ضحيت علشان سعادتك وراحتك
سألت عليكى ف الشغل
قالولى ما بتجيش
وكلمتك كتير مبترديش
وبعتلك مليون رساله
على الفيس عامله إيه
وعايزه تبعدى عنى ليه
وصاحبتك قالتلى
إنك مبتفتحيش
كل همى بس إنى أطمن عليكي
وموافق على أى قرار يرضيكى
دعيتلك من كل قلبى ربنا يشفيكى
وترجعى تانى أحسن من الاءول
مهما تبعدى مستحيل أنساكى
وهيفضل قلبى وعقلى وتفكيرى معاكى
وهفضل بردوا عايش جواكى
مهما البعد داه طول
مهما حاولتى تنسينى
فيه بينا ليالى هتفكرك بيا
إبعدى بعيد مهما بعدتى
هترجعى تانى ليا
إنتى عمرك ما بعتينى
وأنا عمرى ما بعتك
وعمرى ما شافت غيرك عنيا
