وسنين عدت…..
وسنين عدت
كلمات الشاعر محمد عبد العزيز رمضان
وسنين عدت عليا
أيام فاتت ساعات
أنا عمري ما هنسى حبك
أو هنسى الذكريات
يا أغلى حاجه عندي
بكرا نعيد اللي فات
نمسح دمعة عيوننا
ونقول للفرح هات
كلمه تغير حياتنا
تحيى الحب اللي مات
فاكر لما أتواعدنا
بس غلبنا السكات
تهنا وكمان بعيدنا
وتعبنا من الآهات
ياما ضحكنا ولعبنا
جمعت بينا حكايات
وسنين عدت عليا
وأنا من غيرك وحيد
أنت كل اللي ليا
لو تبعد إيه يفيد
أغلى من نور عنيا
حبك صعب وشديد
طب ليه ترضى الأسيه
عني وتبعد بعيد
مش ممكن عنك أبعد
من غيرك مش سعيد
وسنين عدت عليا
ولقتني عليك بهون
ويا ريتني عرفت إنك
خاين طب ليه تخون
ولقلبي كنت نجمه
مرسومه في الجفون
والحلم اللي ما بينا
تايه بين الظنون
صدقتك كنت فاكر
إنك ممكن تصون
ولقلبي كنت ساكن
ورمتني في الجنون
واتغيرت الأماكن
وإزاى بعدك هكون
وسنين عدت عليا
وأنا بحلم أكون معاك
واديتك كل عمري
وصبحت أسير هواك
والحب دا مش بأمري
قلبي لقلبك ناداك
حبيتك مش هخبي
وحياتي كمان فداك
وحلفت بكل عمري
راح تشفيني بدواك
ولقيتك كنت قاسي
وسقتني كتير هلاك
ولوعدي كنت ناسي
هبعد في يوم وأنساك
