دمعة ام— كلمات الشاعر احمد جابر سويلم
دمعة ام— كلمات الشاعر احمد جابر سويلم
وتبكى الام ودموعها
مابين الجفن والجفن تتمايل
وصوت من الحرقة اتنبح
ومن خوفها على الابن تتحايل
بلاش يابنى تهجرنى وتفارق
ومين فى الشيبه يرعانى
دا قولة اه لو جاتنى تقول مالك
ومين بعدك يقول هالى
بلاش تفوتنى فى احزانى
ويجى القدر يشيلنى احماله
وحملى تقيل مقدرش انا اشتاله
وابات وانا فى افكارى غرقانه
ازيد فى سجودى واقول يارب دعياله
وصوت هاتف فى احلامى يندهلى
يقول مالك اقول ضنى عينى
هاجر وفاتنى فى احزانى
وخايفة اموت يحرمه منى لو جانى
واسمع صوته اقول ضنى عينى
وابص يمينى وشمالى ملهوفة
وانادى بصوط ميطلعشى وكانى مخنوقة
واحس بحد يهززنى يصحينى
واقوم من نومى مسروقة
وافتح عينى على حلم توهنى
وتنزل دمعة على عينى من خدى
والاقى ابنى قدامى دمعته نازله
اقول يابنى يقول يامه ماتخافى
انا قاعد فى احضانك ومتخافى
خلاص يامه مش ماشى
على ارضك انا فراشى
افوتها لمين انا يامه مش ماشى
