خواطر وأشعار
بقيت خروف “
” بقيت خروف ”
أنا إسمي جدو ع الواو ومدوا
حفيدتى عايزه خروف تشده
قالت تجيبنى إلحقنى يابنى
من بعد هيبه و بعد شيبه
بقيت خروف شوفت الظروف
بس بمزاجى بروح وباجى
عشان حفيدتى قلبى و حبيبتى
أعمل خروف وبفروه صوف
وادور واسقف على الكفوف
حفيدتى لما بِتهم همه
وتضم إيدى بأحلى ضمه
وتقولي جدو يا أحلى جدو
إنزل بسرعه إعمل خروف
بنزل بُخطرى على الطروف
وضحكه منى وضحكه منها
وحضن منى وحضن منها
وتلف تانى وتقولى توت
القطر داخل بسرعه موت
اركب ياجدو خليك كيوت
هنلف لفه ونهار يفوت
يالهو بالى شكلى هموت
فاضل حفيدتى تلعب بشيبتى
وألبس فضائى واركب صاروخ
واطلع لفوق وانشالله ادوخ
وحفيدتى تضحك يادى الكسوف
من بعد هيبه و بعد شيبه
بقيت خروف شوفت الظروف
الشاعر_خالد_فضل
