فينك يا خال.
صموئيل نبيل أديب
يكتب :
فينك يا خال
فينك يا خال
رُحت فين و مشيت
من غير سلام
سبت البيت فاضي
سبته بدون ضحكه..
فين صوتك يا خال…
راح فين..
كبرت انا يا خال و الشعر شاب..
و قالوا بقيت شبهك..
والعمر جَرِي و الحياة مشيت…
مشيت يا خال من بعدك..
بس ماشية زي ( العلقم)..
مُره اوي يا خال…
البيت حيطانه بقيت ساقعه…
مش عارف من البرد و لا انا كبرت و لا علشان انت مشيت و خدت الدفا وياك…
تصدق يا خال طلع ان الدفا مش بالحيطان…
الدفا بالعيله و الاحباب..
و حيطان الخشب المفتوحه كانت بتدفي علشان فيها حضن الأحباب ..
إلا قولي يا خال… اخبار الحبايب ايه عندك..؟
تلاقيك فرحان وسطيهم…
لسه زى ماهما يا خال؟؟
سِتِى وحشاني يا خال…
ابقي قولها اني نجحت و خدت الشهاده..
كان نفسها تشوفني كبير..
و كبرت انا بس هي ما شافتني..
قولها ” يا امه” الصغير كبر.. و شعره شاب
.. بس لسه بيبكي كل ما يفتكرك
ما قلتش ليه يا خال انك ماشي..
تمشي كده فجأه و تسبينى…
البيت حيطانه برد اوي من بعدك يا خال
