( الحالم بالفرار)

بسم الله الرحمن الرحيم

ثلاثية (الحالم بالفرار) بقلم الشاعر سعودي احمد

( الحالم بالفرار)

من غيرك مش هكون
وهفارق الحياة
قلبك طيب حنون
محتاج اوي لدفاه
..

انا قلبي في انهيار
محبوس جوا الاوجاع
ودايرة الخداع
وبيحلم بالفرار
..

انا قلبي جوا دروب
الوحدة والآلام
عايش في ليل وغروب
وبيحلم بالهروب

(بايع وانا متباع)

قالولي فوت وامشي
عنا متسألشي
اكسر وارمي المفتاح
وانت هتهدي وترتاح
قالولي اسهر ليلة
ويا شموع جميلة
وبص للافراح
وانسى كل اللي راح
..

قالولي والاحزان
مني كانت باينة
الحب نهايته قريبة
متقولش مش هاينة
قالولي متنامشي
واحنا منرحمشي
وسابوني وسط ضياع
بايع وانا متباع

(الدنيا اغنية)

الدنيا اغنية
وانت كتبتها
وبعودك لحنتها
ولما غنيتها الكل حبها
وانا وحدي حبيت عنيك
واتمنيت اوصل اليك
اصل انت الدنيا وحلاوتها
وحبك ده بيحييني
لما بتخلص سعادتي
انت بتيجي وتديني