” دعوه للوحده الوطنيه ”
أنا مسلم وابويا مسلم
مصري قبطي
حتي جاري فوقي تحتي
بردو قبطي
كلنا من طينه واحده
يعني طينته هي طينتي
والمعارك والقنابل
مش طريقتي ومش عقيدتي
فمتلوموش اليوم عليا
وكل مره تجيبوا سيرتي
أنا البرئ
من كل قتل وكل دم
أنا الضحيه
واهل مصر وبره مصر
شهود عليا
وحبي ليكم
مش نفاق ولا تمثيليه
وديني علمني السماحه
وإن الأخوه .. مسئوليه
و إن الخلاف والإختلاف
للود مايفسد قضيه
يااخوانا معروفه الحكايه من زمان
فرق تسد .. وهوَ دا لب القضيه
الشاعر_خالد_فضل
