مساء الخير
كلمات / وليد محجوب
مساء الخير على الشارع
وع الحته وع الحارة
مساء الخير على الزحمة
وع اللحمة وع الزيطة والزحمة
مساء الخير على منصور
وع اللى يثور وفوق السور
مساء الخير على الجيران
على الفيران على الحيران
على الغيران على التعبان
على الشقيان على الغلبان
على العاشق ف كل مكان
مساء الزيطة والزحمة
مساء الكوسة واللحمة
مساء الخير مساء النور
ف وسط الضلمة والعتمة
مساء الفل مساء الذل
مساء النومة ف الشارع
مساء الخير ع الشارع
وع الحتة وع الحارة
مساء الخير ع الزحمة
وع اللحمة وع الزيطة والزحمة
وليد محمد احمد محجوب
