ابو سمرة
قصيدة غنائية
بقلم ماجدة البهيدي
===========
كل يوم انا بحلم بك
ليل ونهار في خيالي بناديك
انا بتمنى اغمض عيني
علشان بس في منامي ألقيك
في كل ثانية انا بستناك
وعيوني على الباب والشباك
اعمل ايه في رمشك يا ابو سمرة
خطفلي قلبي وداب في هواك
متقولي ايه اخرتها معاك
امتى الزمان يسمح والقاك
يا مغلبني و والله تعبني
وحياة عيونك دأنا بهواك
انا قلبي مش قادر ينساك
ارجع تعال وخدني معاك
أنت يا واد يا أبو عين عسلية
انا نفسي اقضي العمر معاك
انا ليا مين بس انا غيرك
ولا عمر مال قلبي لغيرك
تصدق بأيه وانا هحلف اقول
مش عايزة حد انا تاني غيرك
لو بس تيجي تقيد ليلك
وتسمع لقلبي و يشكيلك
وهقولك ايه تاني يا عمري
خالي الدموع بقى تحكيلك
لا لا لا دموع ده ايه اوعاك
أياك يا دمع يشوفني معاك
خبي الجراح وكفاية قاسية
وخليني يا حبيبي هنا وياك
انا أصلي مش حمل بعادك
ولا قد زعلاك وعنادك
انا قلبي أطيب منه مفيش
ولا حد يوم يملا مكانك
وحياة حلاوتك مين قدك
وطابع الحسن اللي في خدك
كان قلبي مرسوم على قدي
دلوقتي بقى كده على قدك
تصدق وربي إني بموت فيك
ولا لك في قلبى مرة شريك
انا اي غنوة وأي قصيدة
وكل كلمة بقولها انا ليك
واسمعها مني بقولها لك
في القلب كلمة بشلهالك
واهي كل الناس شاهدة عليا
ان انا عاشقة عينيك ودلالك
ده نصيبي ولا ده نصيبك
إنك حبيبي وانا حبيبك
انا والله مش عايزة من الدنيا
غير سهم قلبي انا يصيبك
13/ 7/ 2022 الأربعاء
:
#ماجدة_البهيدي
:
