نقطه من اول السطر
حي عين شمس ضربهاطناش
بقلم د/حماد مسلم
في الحقيقة ان هناك بالفعل ناس فوق القانون ولو عايز تشاهد كل ده انزل شارع العشرين بالزهراء عين شمس وهتشاهد موقف للمكروباص يديره بلطجية سيارات بدون لوحات معدنية وبكل تأكيد مفيش رخص قياده ولا حتي ورق للمكروباصات وفي حوار سألني زميل هي الالف مسكن ملهاش صاحب كل يوم حادثه وبياعين احتلوا المكان نهيك عن موقف السرفيس وده لوحده حكاية سيارات متهالكه مخدرات عيني عينك وياسلام كمان علي الفلوس اللي اتعملت من تشييد ابراج وفيلات اتضرب ليها ورق وناس عملت ملايين وناس اشترت كرسي البرلمان و تعالي علي السويقات واللي بيحصل منها ..عزيزي القارئ منطقة الالف مسكن انقسمت لمنطقتين منطقه تابعه لحي مصر الجديدة والاخري لحي عين شمس يقسمهما شارع جسر السويس والشارع للاسف الشديد تحول الي نهرا من الدماء فربما وانا بكتب تلك المقالة تكون هناك ضحية تهدر روحها بسبب السرعة الجنونية او تشاجر بين سائقي المكروباصات او تكون هناك حملة علي السويقات المزروعة في شوارع وحواري المنطقه للاسف الشديد مايفعله الباعة الجائلين بالمنطقة انما هي جريمة في حق الانسانية وفي اهالي عين شمس كلها والمناطق المجاورة ..حد يقول لرئيس حي عين شمس ورئيس حي مصر الجديدة الالف مسكن صداع في رأس الاهالي من كثرة الحوادث ياساده نحن في دولة مؤسسات ومن يتجاوز يتم محاسبته ولكن منطقة الالف مسكن تعرضت للنهب والسرقة وجعلت من معالمها الجميلة الي معالم قبيحة ومنطقة مخيفة وشوارعها شوارع للموت …السؤال هل يأتي يوم ويتحاسب من اعطي تصريح للبناء او محاسبة من سرق ونهب الفيلات او من استغل الحصانة وسهل للابراج المخالفة ان تكون نطاحات السحاب السؤال الاخبث هي المرافق دخلت ازاي حي مصر الجديدة وحي عين شمس في قفص الاتهام واعضاء مجلس النواب اللي عملوا سبوبة ودفعوا عشرة مليون جنيه من كرسي البرلمان ايه الاخبار هو بصحيح سمسار تراك نادي الشمس اخباره ايه واخبار ال ١٨ مليون جنيه ومحلات العمده ولا نقول كمان ياحوت …علي اي حال منطقة الالف مسكن شهدت اكبر عملية لغسيل اموال وسبوبة في ضرب الاوراق
…….الخلاصة
الالف مسكن ..شارع جسر السويس ..موقف المكروباصات مثلث للموت
…..فيتوووووو
محاسبة المتجاوز ياحكومه
