قصيدة لغز الحروف
كلمات/أيمن البكري
زمان وأنا صغير إتعلمت الحروف
حرف حرف نطقتها وكتبتها
وما كنتش أعرف
إن من بين كل الحروف
فيه حروف هحبها
وهتبقي ب النسبالي حلم
ف سينما حياتي
إتعرض قدامي شريط ذكرياتي
كأنه فيلم
ووقفت عند القطه دي
ساعتها نسيت كل شئ
دي الحروف إل عاشت جوه مني
مهما عدت سنين بفتكرها غصب عني
حلمت حلم وحلمي كان من دهب
إتهد الحلم وكل شئ حلو ف حياتي
إتسرق مني وإتنهب
ما فضلش ليا غير حزن وخوف ولهب
حرف الهه قال لل ألف أنا بعشقك
وإيه يعني لما اللام تندهك
ما أنا إل ف أخرك وف أولك
دي الحروف إل لما بنطقها
بحس إنها بلسم
بس هي تحس وتفهم
فيه حروف لو إتجمعت تبينلك حقايق
وتفهمك مين إل عايز يخسرك
وحروف لو سمعتها تدايق
بس بتوضحلك وتبينلك وتعرفك
مين ضضدك ومين معاك
ومين إل حالف يكسرك
وحروف تسمعها توجعك
وحروف تقولها بس محدش يسمعك
وحروف لماضي ترجعك
وحروف عن طريقك تمنعك
فاكر زمان لما كنت بترسم قلب
وتكتب جواه حرف وف مادليه تعلقه
علشان داه أول حرف ف إسم حد
بتحبه وتعشقه
بس ما إتقسمتش ليك
وإنت كمان بقا عندك شريك
وبقيت لما تفتكرها تلمع عنيك
وتتمني لو لحظه واحده الماضي ترجعوا
ف زمانا متصدقش غير إل تشوفه بعنيك
وخليك فاكر كل حرف هتنطقه محسوب عليك
يا إما يكتبه ملك الشمال
يا إما يكتبه ملك اليمين
خليك ف سكة ربنا
وإوعي تقول للشيطان أمين
ومتتكسرش قدام أي شوية ظروف
وصدقني الغز عمروا ما كان ف الحروف
الغز جواك هتلاقيه……الغز فيك
