قلبى
بقلم الشاعر مجدى احمدالصفطى
….
قلبى 18او 20
والعقل اهو داخل ع الستين
والجسم احتار بينهم الاتنين
يسمع للقلب
فيدوب ويحب
ولا يخليه
عاقل ورزين
دى معادله وبتعاند فينا
وتعيش ويانا سنين وسنين
بيظل القلب طول مهو بيدق
بيحب يدوب ويدوب فيرق
و بيصنع م الهمسات تفانين
وبيملا الدنيا أهات وحنين .
ويرد العقل عليه بشكل
فيبخلق للافكار جناحين.
ويحلى الاهه بشكل عجيب
ويطير طعم النوم م العين .
ويمر علينا العمر اوام
لا نحس ازاى ولا فاضل كام .
وياخدنا شمال ويجيبنا يمين .
وما بين قلبنا عقلنا جسمنا
صراعات بتدور وبشكل حزين .
ويدوبك هنوفق بينهم ..
بنلاقى الرحلة خلاص خلصت
والقطر بيوصل لنهايته
متقولشى ازاى
ولا امتى وفين
مجدى احمدالصفطى
