لما إتولد
قصيده عن الرسول صلى الله عليه وسلم
أيمن البكري
لما إتولد
قالوا البشاير ولد
جميل أبيض وسيم
السما نورت والإرض إتغيرت
نزلوا الملايكه يستقبلوه
عاش يتيم ماشفش إمه ولا أبوه
كل إل عرفوا قال عنه كريم
وإل عاش وسطهم سنين
شهدوا إنه الصادق الإمين
ولما قال إنه رسول من رب العالمين
ضحكوا وإستهزؤا وكدبوه
ربنا قاله إنك على خلق عظيم
صبر وإتحمل أذاهم
محسش ب اليأس يوم
ولا قال كده كفايه
بيهنوه وفى عرضوا يطعنوه
وهو بيدعيلهم ب الهدايه
ربنا أمره ب الهجره
علشان تخطيط ناس فاجره
عايزين يقتلوه
طلع قدام عنيهم من غير ما يشفوه
أهل المدينه بكل الحب إستقبلوه
وكمل الدعوه والرساله
ما ضعفش ولا قال إستحاله
ورجع مكه تانى فاتح بعيون النصر
مرضيش يخرجهم من ديارهم
مفتكرش ليهم قسوتهم ونارهم
بكرمك وطيبتك وأخلاقك
أبصملك يارسول الله بصوابعى العشر
لو سألك عن الرسول أى حد
قول ذى ما قال عنه الصحابه
كان قرأن بيمشى على الإرض
لما إتولد إتولد معاه إسلامنا
صلوا عليه فى كل كلامنا
منه إحنا إتعلمنا
إذاى نسامح وندى المعذره
والعفو عند القدره
لما نعمل بكلامه ونطبق سنته
نبقى كده بنحبه بجد
