شهادة ميلادى
كلمات……………..
أيمن البكري
قمر ذى القمر قالتلى أنا بعشقك
نفسى يا قمر أحس بيها وأصدقك
ليه كل أما أقرب إنتى بتبعدى
وكل ما أبعد ترجعى وتوعدى
سبتينى للشك يقتلنى ويحاوطنى
وعقلى يفكر وقلبى يغالطنى
مش قادر أصدق لحظه إنك إنتى
قدرتى تمشى وتسبينى لوحدى
بتلومى النصيب وإل إنكتب
وبتتهمينى إن أنا كنت السبب
أنا إمته حبيبتى بس
فكرت في البعد عنك
داه أنا كنت بحس
معاكى إنى حته منك
عمرى ما شكيت
فى إخلاصك ثوانى
ولا كنت فى يوم
أبداً إنسان أنانى
سلمتك قلبى وأنا مطمنلك
مش فيه بينا وعد
وأنا وإنتى إتفقنا
هنكمل مع بعض
مفيش حاجه هتفرقنا
ليه هربتى وقت الجد
وسبتى حلم السنين يتهد
لو حاولت أحسبلك
كل أخطأك معايا
مش هعرف أعد
كتبتى ب إيديكى النهايه
شوهتى جوايا الصوره
وأنا إلى هدفع الفاتوره وهسد
ليه خلتينى
أعيش في حلم جميل
وأسهر أرسمك
فى خيالى طول اليل
وأتخيل وأنا معاكى
إذاى هتكون حياتى
وأحلم ب أميره
ساكنه فى قصر عالى
كان قلبى قبل منها
مالوش حبيب وخالى
وفجأة يتحول الحلم كابوس
وشهادة ميلادى تبقى وفاتى
وأصحى ألاقيكى
بقيتى من ذكرياتى
مرتبط
