انا شرقاوى وراجل حر
بقلم صبري الحصرى
وباكل لقمتي بأيدي ولو بالمر
وانا راجل اصيل من جد لجد
عرفت الصح من العيبه وعايشها بجد
وأقطع ايدي لو مديتها يوم لحد
بحب الخير وفعل الخير
وعمري في يوم ما بابي اترد
ولو عيشتي كانت ع الكد
نقول الحق وكلمتنا دي زي السيف
ونكرم كل من جانا وكان لينا ضيف
نقول الحق ولا نرضي بكلمة زور
ولو قطعو الرقاب والزور
شرقاوى ياناس ولو تيجي حدانا تشوف
تشوف اخلاقنا وعاداتنا ومانعرف خوف
تشوف الهيبه والطيبه ودا شئ معروف
لينا هيبه في كل مكان
بلادنا تحس جواها بكل امان
لانرضى بعيب ولا حتى نهين انسان
شرقاوى وبفتخر إنى شرقاوى بناسي
ومهما سافرت هرجع تاني لاساسي
مرتبط
