لحظة شرود
بقلم /عمااد الأبنودي
••••••••••••
شايف صورة تشبهني
و ملامح وش مش وشي
و كأنه حقيقي مش أنا
ولا اللي قدامي يشبهلي
بأفكر نفسي يمكن هيه
لملامح قديمة جوايا
يجوز اتبدل شئ فيا
و اتغير الشكل معايا
بأدور تاني ع روحي
و أخفف دمعي و جروحي
و أقول اللي فات مات مني
و أودع دمعي و معاه نوحي
سنيني الحلوة البريئة
خطفتها غربان الهم
بميت حيلة و طريقة
و غلب كتير ما يتلم
مهما الدواير تخدني
مابين التوهة و صراعها
و الأقي الحبايب بتسبني
حتي من غير وداعها
واتامل شريط الذكري العابر
ف لحظة شرود قدامي
تقولش قطر اهو ساير
مرت لحظاته في أحلامي
بقلم /عمااد الأبنودي
17 , 12 , 2022
