” الحب في زمن الكورونا “
الشاعر/خالد فضل
تحس شوارعنا حزينه
مفيش فرحه مفيش زينه
مفيش واقفه علي الناصيه
ولا ندهه في تراسينا
وحتي ظروفنا مش قادره
ولا عارفه ترسينا
وحتي الحب شوفت الحب
مش قادر ينسينا
سواد اللون في ليل مسكون
منين منكون شبح لينا
وكل مانيجي يوم نفرح
فرحنا بيتقلب نيله
وهوه احنا السبب ف الحزن
والا. الحزن متمسك اوي بينا
وليه يازمنا .. مش عايز ترجعنا
لأيامنا واحلامنا .. وامانينا
وليه تاخد كده منا
ومستخسر حتي تدينا
وليه الحب بقي كلمه
وفقد المعني والقيمه
مفيش فسحه مفيش مزحه
مفيش مسرح مفيش سيما
وخايف م السكوت ننسي
منين احنا وننسي كمان اسامينا
يادنيا بذمتك قولي
سعيده معانا .. ماتقولي
تعيسه بجد .. ماتقولي
بنيتي اليأس ف نفوسنا
لحد اليأس بقي طولي
ومشاعرنا .. ومواجعنا
ودقات القلوب فينا
بقت متصابه بالفايرس
في زمن الحب ب كورونا
مرتبط
