زجل
( سنة جديدة )
جاية تفرحينا ولا جاية تتعبينا؟
ياسنة جديدة إوعي تحيرينا
السنة اللي: فاتت
كل أحلامنا ماتت
ماتكلمت
وفضلت ساكت
إنت بقى كلمينا
ياسنة جديدة إوعي تحيرينا
وأصبر عليكي ليه؟
جاية بنية إيه؟
السنة اللي فاتت (بالية)
إيه تاني هترقصينا؟
ياسنة جديدة إوعي تحيرينا
مستني والنية خير
مؤمن بحاجات كتير
واللي يؤمن بالتغيير
أكيد ينجي السفينة
ياسنة جديدة إوعي تحيرينا
(كل عام وأنتم بخير)
كلمات / حربي علي الصغير
شاعرالسويس
