صالح نفسك ع الدنيا ..
و اسرق ضحكه من الوقت
ماتقولش انا هافرح بكرا ..
افرح بكرا ودلوقت !!
اغسل قلبك م الماضي ..
وارجع بقا كائن حي
الماضي ماضاع ع الفاضي ..
اكسب مستقبل جي !!
صاحب نفسك ترتاح ..
صاحب اهلك يرتاحوا
الواحد من غير اهله ..
طير ناقص ريش ف جناحه !!
بوس ايد امّك لو عايشه ..
واقعد حبّه مع اخواتك
لم صحابك حواليك ..
واسبق قطرك لو فاتك !!
عيّط لو كنت حزين ..
وامسح دمعك ف ثواني
اتصور وانت بتضحك ..
هاتشوفها هاتضحك تاني !!
قلبك لو حب اسمعله
عقلك لو شت ارجعله
لو مات الواحد \عادي ..
لكن مايموتش بزعله. !!
الدنيا روتين ف روتين ..
والناس اغلبها حزين
اضحك علشان الضحكه ..
بتضحّك بني آدمين !! تحرير دعاء نور مقالة باسم صالح نفسك علي الدنبا
