أنا ، الشارع
أنا الشارع ، اللي حن عليا مش أبويا
أنا الدنيا اللي غدرت بيا ، و ب. اخويا
أنا الناس اللي شافتني ، و قرفت مني نكرتني
بموت ، جوايا ، ميت ،مرة ، ما شوفت الدنيا عزتني ،،*
بكيتك أرض ، و صونتك ،عرض
و صليتك ، بسنة ، و فرض
و فيكي سفيت ، ف ترابك
و أحبابك ،، بتملا، الأرض
بقولهالك بقلبي ،، بجد
معاكي ، راح ، الاقيني
ما فكرتيش ، تضميني
ابات، و الدمع ملا ، عيني
ف سندي اللي ،، بيرميني
عشان قوتي ، دا ، قاسي عليه
تموت امي ، يشوف حاله و يتجوز
يشوفنا يشيل هموم دنيا و بيبوز
و ست البيت ، علينا بتيجي تتعزز
و اخويا بيترمي ف ملجأ
و مهما بقول بينكروا ، ليه
بقينا خلاص ما نعرف بعض
أنا الطفل اللي شبهي كتير
في شوارعك ، و حواريكي
و رصيفك ، فردته ، سرير
الاقي كابوس ، اراضيكي
و احاول اني اراضيكي
لكن رفضاني ، في كياني
بقيت مجروح و انا بعاني
و شاهدة الناس و سمعاني
و شايفاني ، و انا المكسور
في وجداني ،و اقول ياني
لقيت بيتي بقا الشارع
و جرنال فارشه لجل ما ، انام
و بتغطي ، بضل ، حيطان
اريح راسي ، علي دراعي
في نفسي بقول مافيش داعي
لأني ، بنام ، بأوجاعي
واشوف احلام ، تصيبني ألام
و يشبع جوفي م. القسوة
كأني ، بحارب ، الأيام
في دنيا ، شايفها ، ما ، بتسوا
حكايتي الناس بتشهدها
تشوفني و تحكي ك مشاهدة
و انا التايه ، في ارض ،الله
بعاني ، الاه ، لكن يائس ، و مش فارقة
شعر / ياسر عبد الحميد