الأصول سلسال
بقلمي محمد عنانى
ولاعُمره يوم الأصل كان فى المال
ولا فى عِيله ونَسب ولا بكُتر عِيال
ولا هو لِبس البِدل ولا بِعمَه وشَال
ولا هو في العَنطزَه وكِبْرمالو مثال
الأصل دا الجدعنه والوزن للأفعال
الأصل هو الوفا بالعهد فى الأقوال
والحفظ العشره مهما تكون الاهوال
ويكون كمان السند للي زمانهم مال
ولا غيرها قولة حق تلقا الكلام يتقال
ودايما بعرق الجبين اللقمه تبقا حلال
ولا يمشى ويا العوج فى سِكة البَطال
ولا فى طبعه الغدر زى الكتير أندال
ويكون فى وقت الغضب للسان خَيَال
الأصل هو الأصول فى كافة الأحوال
معروف ومنقول لنا أجيال ورا أجيال
وعنه ياما إنكتب فى غناوي أو موال
كلام وفيه العبر واضحه وتمام ياخال
لابفقرولا بغِنَا لاجل الأصول سلسال
